Søk fritak frå taksameter og merking
Du kan søke om fritak frå krava om taksameter, merking og taklampe. Dette gjeld for føretak som driv med spesialtransport, som til dømes ved statsbesøk eller bryllup.
Søknaden må innehalde:
- Informasjon om føretaket og transportoppdraga
- Beskriving av kundegruppa (legg ved kopi av kontraktar)
- Ulemper med taksameter, merking og taklampe
- Korleis transporten er organisert
- Opplysningar om køyretøyet og løyvet det søkast om fritak for, samt ønska lengd på fritaket (maks 3 år)
- Kopi av vognkort for køyretøyet det søkast fritak for
- Om føretaket har offentlege transportkontraktar
- Geografisk område der transporten vert utført
Viktig informasjon
- Samferdselsdepartementet har bestemt at fritak ikkje skal innvilgast dersom føretaket tilbyr tenester som liknar drosjetenester.
- Fylkeskommunen skal sikre at fritak ikkje skapar urettferdig konkurranse for dei som driv vanleg drosjeverksemd.
- Fritak gjeld berre i den fylkeskommunen som behandlar søknaden. Ved transport over fylkesgrenser, må du søke fritak i kvart fylke du skal køyre i.
- Alle søknadar vert vurdert individuelt.
Krav til merking, taksameter og tilleggsutstyr er heimla i yrkestransportforskrifta
§ 48.