Saksbehandling -  spesialundervising for lærekandidat

Formål

Rutinen skal sikre at lærekandidatar som har behov, får spesialundervisning.

Lærekandidatordninga gir grunnkompetanse. Lærekandidatar får tilpassa opplæring med redusert læreplan med eit utval av måla. Kompetansemåla blir valt ut på førehand, og lærebedrifta må lage ein intern plan for opplæringa som er tilpassa for lærekandidaten. Planen skal innehalde måla og kva tiltak som er nødvendige for å nå måla.

Den langsiktige, realistiske målsettinga med opplæringa og kandidaten sine framtidige moglegheiter på arbeidsmarknaden må tydeleggjerast. Intern plan for opplæringa må evaluerast og reviderast i samband med halvtårsvurdering eller etter behov.

Før tilvising om spesialundervisning skal lærebedrifta og lærekandidaten saman med Rettleiingstenesta (RLT) vurdere om dei valde kompetansemåla er realistiske eller skal endrast. Lærebedrifta skal prøve ut kva tiltak som kan vere tenlege for kandidaten i samråd med RLT.

Det er først når lærekandidaten ikkje har eit tilfredsstillande utbytte av opplæringa, etter den reduserte tilpassa læreplanen, at han eller ho har rett til spesialundervisning.

Dersom eleven skal bli lærekandidat i same bedrift som eleven har YFF i, er det mogeleg for PPT å skrive sakkunnig vurdering for bedriftsdelen av opplæringa når eleven er i YFF. Dette bør primært skje siste halvår i Vg2. Bedrifta må i utgangspunktet ha prøvd ut tiltak og avklart kva som er opplæringsmåla.