Medlem av Fremsam
Vestland fylkeskommune har sidan juni 2023 vore medlem av Nettverk for helsefremmende samfunn (Fremsam). Fremsam er eit nettverk av og for kommunar og fylkeskommunar, og er ein del av WHO Healthy Cities.
Nettverk for helsefremmande samfunn (Fremsam) tilbyr møteplassar, inspirasjon og kompetanseheving for politikarar og tilsette som vil skape lokalsamfunn som er gode å leve i. Medlemma vert kopla saman med spennande aktørar og innovative prosjekt. Fremsam samlar ulike fagfelt og byggjer bru mellom akademia og praksisfeltet.
Eit medlemsskap i Fremsam sikrar at Vestland fylkeskommune:
- deltek i eit kompetansenettverk med eit nasjonalt kollegium
- deltek i internasjonalt samarbeid og kunnskapslaboratorium
- får tilgang til kurs, verktøy og møteplassar
- har politisk deltaking og forankring av medlemsskapet